Færslur: 2012 Maí

24.05.2012 08:56

IsNord tónlistarhátíðina 2012

IsNord tónlistarhátíðin verður haldin í áttunda sinn föstudaginn og laugardaginn 8.-9. júní n.k.
 

Vert er að vekja athygli  á því að síðustu tónleikar hátíðarinnar fara fram á sumarsólstöðum, fimmtudaginn 21. júní, en þá mun karlakórinn Söngbræður syngja í Álftanesi á Mýrum lög um sumar og sól.
Hátíðin hefst í Reykholtskirkju föstudaginn 8. júní kl. 20.30 með tónleikum Gissurar Páls Gissurarsonar tenórs og Árna Heiðars Karlssonar píanóleikara.   Þeir munu flytja íslensk sönglög úr ýmsum áttum.  Gissur þarf vart að kynna fyrir íslenskum áheyrendum en hann hefur farið á kostum undanfarið  í La Boheme í íslensku óperunni og sem einsöngvari með t.d. Karlakórnum Fóstbræðrum.  Árni hefur bæði bakgrunn í klassík og jazz og hefur m.a. gefið út tvo geisladiska með eigin tónlist.

Á laugardeginum 9. júní kl. 16.00 verða tónleikar í Borgarneskirkju þar sem Jónína Erna Arnardóttir og Morten Fagerli flytja fjórhentar píanóperlur frá Noregi og Íslandi.  M.a. flytja þau norska dansa eftir Grieg og fjórhenta útgáfu af Brennið þið vitar eftir Pál Ísólfsson sem sjaldan heyrist.  Einnig munu þau flytja einleiksverk.  Jónína og Morten námu tónlist við Grieg akademiet í Noregi fyrir fimmtán árum en hafa síðan komið fram á ótal tónleikum en eru nú að spila fjórhent saman í fyrsta sinn.

Aðgangseyrir á tónleikana eru 2.000 kr Allar nánari upplýsingar eru á heimasíðunni isnord.is og facebook síðu hátíðarinnar.

08.05.2012 23:51

Vatnshellir -fréttir úr þjóðgarðinum

Nú er orðið fært í Vatnshelli. Við förum í hellinn eftir því sem hægt er en ferð fyrir 1-15 manns kostar 20 þúsund. Fyrir næstu 15 kostar 15 þúsund. Við förum með að hámarki 30 manns niður í senn og fara tveir leiðsögumenn með hópnum. Panta þarf fyrirfram þar sem við þurfum að útvega leiðsögumann í ferðirnar. Best er að hringja á skrifstofuna í 436 6860 eða senda tölvupóst á snaefellsjokull@ust.is. Ferðir um helgi þarf að panta a.m.k. fyrir hádegi á föstudegi, helst fyrr.

Fastar ferðir í hellinn byrja síðan 4. júní og verða tvær ferðir á dag til 10. júní, kl. 10:00 og 15:30. Frá 11. júní verða fjórar ferðir á dag kl. 10:00, 11:30, 14:00 og 15:30. Gjaldskrá fyrir hellaferðirnar í sumar er ekki tilbúin.

  • 1

Mávur l Kt.: 680509-0850 l Bnr: 0111-26-10080 l VSK 104164 l Sími: 845 1780 l Netfang: mavur@mavur.is