Gerhard König högglistamaður

Gerhard König er fæddur í Þýskalandi árið 1949. Hann nam höggmyndalist í Sviss og Þýskalandi og hefur starfað sjálfstætt að list sinni í áraraðir. Jafnframt hefur hann kennt listsköpun í Sviss, Þýskalandi og á Íslandi. Við list sína notar Gerhard einkum rekavið og grjót. Gerhard kom fyrst til Íslands sem ferðamaður árið 1994. Eftir það kom hann hingað á hverju sumri, ferðaðist um landið og hjó út styttur, mest úr rekaviði.  Árið 1998 kom hann fyrst í Selárdal. Hann heillaðist af verkum Samúels Jónssonar sem þá voru í niðurníðslu. Frá árinu 2004 hefur hann farið  á hverju sumri í Selárdal og unnið við viðgerðir og endurgerð þessara fágætu alþýðulistaverka. Það má segja að Gerhard hafi borið hita og þunga af endurreisn Listasafns Samúels í Selárdal. Árið 2010 flutti Gerhard til Íslands og hér hefur hann  haldið námskeið í högglist, leirstyttugerð og mósaik og auk þess unnið bæði á Sólheimum í Grímsnesi og Ásgarði í Álafosskvos.

  • Sýningar á Íslandi:
  • Ráðhúsinu í Reykjavík 1998
  • Dalsá í Mosfellsdal  2000
  • Höggmyndagarður við Sesselíuhús á Sólheimum síðan 2003
  • Álafosskvos 2013

  • Verk staðsett á Íslandi:
  • Sólheimar í Grímsnesi
  • Grettisgata í Reykjavík
  • Hallorsstaður
  • Húsavík
  • Straumfjörður í Borgarbyggð
  • Dalsá í Mosfellsdal
  • Álafosskvos 

Á sýningunni "Um Tröll, Gyðjur ogMenn" sýnir Gerhard 15 höggverk úr íslensku basalti og rekaviði.




Mávur l Kt.: 680509-0850 l Bnr: 0111-26-10080 l VSK 104164 l Sími: 845 1780 l Netfang: mavur@mavur.is